ನಿಟ್ಟುಸಿರು...

ಗೆಳತೀ ನನ್ನ ಹೃದಯದಂಗಳವಿದು,

ಆಟದ ಮೈದಾನವಲ್ಲ ...

ನೀನು ಬೇಕೆಂದಾಗಲೆಲ್ಲ 

ಬರೋಕೆ ಹೋಗೋಕೆ  ...  

ಪ್ರೀತಿಯಿದು ಹುಡುಗಾಟವಲ್ಲ

ನೀ ಹೇಳಿದಷ್ಟೇ

ಸುಲಭವಾಗಿ ಮರೆಯೋಕೆ ...

ನಾಚಿಕೆ...

ಗೆಳತೀ, ಅದೇಕೆ ನೋಡುವದು
ನೀನು ಮರೆಯಲ್ಲಿ ಕದ್ದು ?
ಹೇಳಿದರೆ ನಾನೇ ಬರುತ್ತಿದ್ದೆನಲ್ಲಾ
ನಿನ್ನೆದುರಿಗೆ ಖುದ್ದು...

ಅವಳಿಲ್ಲದೇ...

ಕಣ್ಣಂಚಿನಿಂದ ಜಾರಿದ ಹನಿ ಹೆಕ್ಕಿ ಕೇಳಿದೆ,

'ನೀನೇಕೆ ಜಾರಿದೆ ಮುತ್ತು ?'

ಅದು ಬಿಸುಪಾಗಿ ಅಂತು ~

'ನಿನ್ನ ಕಣ್ಣಾಲಿಯೆಲ್ಲಾ ಅವಳೇ ತುಂಬಿ 

ನನಗೆಲ್ಲಿ ಜಾಗವಿತ್ತು ?'